6. júl. 2010

Annað gengismál flutt í héraði á morgun

Í máli, sem flutt verður í Héraðsdómi Reykjavíkur á morgun, reynir á önnur atriði en dæmd voru í Hæstarétti 16. júní sl. þar sem nú eru gerðar kröfur um að annað komi í stað ólögmætrar gengistryggingar.

Á morgun, miðvikudag, 7. júlí verður flutt mál í Héraðsdómi Reykjavíkur þar sem reynir á ágreining sem upp er kominn eftir nýlega dóma Hæstaréttar í svonefndum bílalánamálum. Nú er deilt um hvort eitthvað - og þá eftir atvikum hvað - komi í stað skilmála um gengistryggingu lánasamninga sem Hæstiréttur dæmdi ólögmæta samkvæmt lögum um vexti og verðtryggingu. 

 

Lýsing stefnir

Á vef dómstólsins er þessar upplýsingar að finna um málið:

Dómur í lok júlí eða byrjun ágúst

Miðað við fresti í lögum um meðferð einkamála og framkvæmd héraðsdómstóla og afstöðu Hæstaréttar til þeirra má búast við dómi í lok júlí eða fyrri hluta ágústmánaðar að óbreyttu. Ýmislegt gæti þó orðið til þess að tefja niðurstöðu.

 

Æskilegt að leita álits EFTA-dómstólsins?

Ekki er útilokað að unnt sé að leita við rekstur málsins eftir ráðgefandi áliti EFTA-dómstólsins samkvæmt lögum þar um enda reynir í málinu væntanlega á löggjöf - svo sem 36. gr. laga um samningsgerð, umboð og ógilda löggerninga og einkum stafliði a-d - sem felur í sér innleiðingu á neytendavernd Evrópuréttar. Hefur talsmaður neytenda vakið athygli lögmannsstofu þess lántakanda, sem stefnt er í málinu, á þessum möguleika.

 

Meðalganga hugsanleg

Á síðari stigum mun talsmaður neytenda skoða möguleikann á því að óska meðalgöngu á áfrýjunarstigi málsins en í meðalgöngu felst að sjálfstæður aðili blandar sér í mál annarra aðila til þess að gera sérstakar kröfur og eftir atvikum færa fram sjálfstæðar málsástæður og lagarök.

• Prenta
• Senda

Heimilt er að birta merki talsmanns neytenda með fréttum af vef embættisins - www.tn.is - en óskað er eftir því að þeirrar heimildar sé getið.